Psa 125 | NdeIBE | STEP | Ingoma yemiqanso. Labo abamethembayo uJehova banjengentaba iZiyoni, yona enganyikinyekiyo, emi kuze kube phakade.

Psalms 125

1 Labo abamethembayo uJehova banjengentaba iZiyoni, yona enganyikinyekiyo, emi kuze kube phakade.

2 Njengezintaba ezizungeza iJerusalema, ngokunjalo uJehova uzungeza abantu bakhe manje kuze kube phakade.

3 Intonga yobukhosi eyababi kayiyikusala ezweni elabelwe abalungileyo, ngoba abalungileyo bangaqabuka besebenzisa izandla zabo ukwenza okubi.

4 Yenza okuhle, hawu Jehova, kulabo abalungileyo, kulabo abaqotho enhliziyweni

5 kodwa labo abaphambukela ezindleleni ezitshekileyo uJehova uzabaxotsha kanye labenzi bobubi. Ukuthula kakube ku-Israyeli